KUPHUME izidumbu ezintathu ngempi yezithandani ngeSonto ntambama elokishini laseLindelani eMzinto.
Umbiko ovela emaphoyiseni uthi umsolwa wesilisa udubula wabulala intombi nodadewabo, kwalimala kabi omunye wesifazane ongumakhelwane ngaphambi kokuthi azibulale naye.
Lesi sehlo sithuse abaningi esifundazweni sasukumisa uNdunankulu uMnuz Thami Ntuli uzohlanganyela nomndeni wabesifazane abashonile.
"UNdunankulu uhambele umndeni ngenhloso yokuzwelana nomndeni oshonelwe, ukuxhumana neziphathimandla zomthetho, kanye nokuqinisa ukuzibophezela kukahulumeni wesifundazwe ekubhekaneni ne-GBV, ukweseka izisulu."